Home Theatre 2, Author's Words

Keshava Malagi

ಚಿತ್ರರಂಗ, ರಂಗಭೂಮಿ, ಪಾಕಶಾಸ್ತ್ರ, ಸಂಘಟನೆ ಹೀಗೆ ಹಲವಾರು ಕ್ಷೇತ್ರಗಳಲ್ಲಿ ಕ್ರಿಯಾಶೀಲವಾಗಿ ತೊಡಗಿಸಿಕೊಂಡಿರುವ ಪಿ.ಡಿ. ಸತೀಶ ಚಂದ್ರರ ಹೋಮ್‌ ಥಿಯೇಟರ್‌ ಅತ್ಯಂತ ನವೀನ ಪರಿಕಲ್ಪನೆ. ತಂತ್ರಜ್ಞಾನವನ್ನು ಬಳಸಿ ಹೊಸ ಹೊಸ ಪರಿಕರಗಳು ಮಾರುಕಟ್ಟೆಗೆ ಬಂದತೆಲ್ಲ ಹೊಸ ಉಪಕ್ರಮಗಳ ಮೈದಾಳುವುದು ಸಹಜ. ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಈಗಾಗಲೇ ಪರಿಶ್ರಮ ಹಾಗೂ ಮಹತ್ವಾಕಾಂಕ್ಷೆಯಿಂದ ಘನವಾದುದನ್ನು ಸಾಧಿಸಿದವರು, ಆ ನಿಟ್ಟಿನಲ್ಲಿ ಹೆಜ್ಜೆಯಿಕ್ಕುತ್ತಿರುವ ಪ್ರತಿಭಾವಂತರು ಕಾದಂಬರಿಯೊಂದನ್ನು ಸರಣಿಯಲಿ ಓದುವುದು ಕನ್ನಡಕ್ಕಂತೂ ತೀರ ಹೊಸ ವಿಚಾರ. ಪಾಶ್ಚಾತ್ಯಲೋಕದಲ್ಲಿ ಬೇರೆ ಬೇರೆ ಬಗೆಯ ’ಆಲಿಕೆ ಹೊತ್ತಿಗೆ’ (ಆಡಿಯೋ ಬುಕ್‌) ಗಳಿರುವುದನ್ನು ನಾವು ಬಲ್ಲೆವು. ಆದರೆ, ಸತೀಶ ಚಂದ್ರರ ಹೋಮ್‌ ಥಿಯೇಟರ್‌ನಲ್ಲಿ ಒಂದೇ ಕಾದಂಬರಿಯನ್ನು ಹತ್ತಾರು ಪರಿಣಿತರು ಓದುವುದು, ಹೊಸ ಪರಿಣಾಮ ಸೃಷ್ಟಿಸುವುದು ಅಚ್ಚರಿಯ, ಶ್ಲಾಘನೀಯ ವಿಷಯ.

Book Cover

ಈ ಬಗೆಯ ಓದು ಕೇಳುಗನಲ್ಲಿ ಹೊಸ ಪರಿಣಾಮ ಬೀರುವುದನ್ನು ಖಂಡಿತ. ’ಕೇಳು ಪುಸ್ತಕ’ದ ಈ ಹೊಸ ಮಾದರಿ ಕನ್ನಡದ ಭವಿಷ್ಯದ ಓದನ್ನು ತನ್ನದೇ ಅರ್ಥದಲ್ಲಿ ತುಸುವಾದರೂ ಹಿಗ್ಗಿಸಲಿದೆ. ಹೊಸ ಉಪಕ್ರಮಗಳನ್ನು ಕೈಗೊಂಡಾಗ ಬೇಕಾಗುವ ಪರಿಶ್ರಮ, ತಾಳ್ಮೆ ಮತ್ತು ಸಂಘಟನಾ ಚತುರತೆ ಅಪಾರ. ಸತೀಶ ಚಂದ್ರರ ಯಶಸ್ವಿ ಪ್ರಯೋಗಗಳನ್ನು ಗಮನಿಸಿದರೆ ಅವರು ಅದರಲ್ಲಿ ಸಿದ್ಧಹಸ್ತರೆಂಬುದು ಅರಿವಾಗುವುದು. ಅವರ ಜಾಲತಾಣ: http://www.prakasamtrust.org/ht ಕೂಡ ಅನೇಕ ಮಾಹಿತಿಗಳ ಕಣಜ.

ಈಗಾಗಲೇ ತಮ್ಮ ಕೆಲಸದ ಮೂಲಕ ಸಹೃದಯರನ್ನು ತಲುಪುತ್ತಿರುವ ಸತೀಶ ಚಂದ್ರರ ಪ್ರಯತ್ನಗಳಿಗೆ ಯಶವಂತೂ ಸಿಕ್ಕೇ ಸಿಕ್ಕುವುದು. ನಾವು ಹೇಳಬಹುದಾದುದು ’ಶುಭ ಹಾರೈಕೆ’.